［其言也善］是真的，呢篇免費（https://bityl.co/4q07）
全文：https://bityl.co/4q07。免費的
TLDR：失業，靠你地啦。照舊，一訂就睇返晒以前嘅文（https://bityl.co/4Y0h）。覺得唔掂嘅，月尾cut咗佢。呢篇直頭免費
1. 不過，正路你最先睇到嘅，梗係本人已被炒。被炒，咪就係被炒咯。邊個話你知放假唔在香港唔會畀人炒？正如唔係你自己碌出場外就唔會包越位嘛（識笑應該幾好笑）
2. 詳情，我會再寫篇文講，雖則都唔係好多嘢要講，加上我都仲係公司僱員（直到3月）。但，真係唔使安慰或問問題，聽日會再有多篇文，我會自行FAQ自問自答。
3. 咁呢篇，係最新嘅Patreon文，三樣嘢，第一係講我啲讀者如果有心可以點幫助我。當然呢度嘅讀者亦係，幾時都係嗰句，有錢出錢，冇錢亦幫到其他嘢，自己入去睇。放心，乞米告急post我會再出的。做嘢18年我只被人炒過兩次，十年一遇，唔係唔告急呀？但，會再出一篇。當然急過我自己嘅，可以即時做嘢
4. 但第二，「傾返生意」，講真，同你好熟咩，三唔識七，你冇得撈，關我鬼事。大把人都冇得撈（是真的，如果你有身邊人都係咁，幫咗佢地先，我有排都未餓死）。咁所以都畀未join嘅睇下，有乜睇先，有乜so先，乞食都要唱支歌啦。咁啱呢期寫啲嘢都幾中—咁固然，呢期寫中真係唔係太難（但已經難過早一兩個月），不過更重要係，喂，真係有讀者跟機。唔係我一人分飾幾角 做估公仔 微信女 搵媒。分分鐘入面啲主角出嚟對號入座都仲得。呢期講明源雲入港股通呀，Dropbox會畀人收購呀之類，幾滿意的。
5. 咁仲有第三，下年展望。梗係市嘅展望啦，唔通我自己展望咩。冇冧把畀，實情向來我都唔多願（但不能不做）。大trend，經濟梗係會反彈。但經濟反彈per se 不代表股市實升，「脫離實體經濟」嘛，經濟差時股市可以喪升，咁經濟好時點解唔可以大跌？不過，另有原因支持，買股票還是好東西。
6. 仲有，下年嘅大trend，我呢排不斷覺得嘅，就係二線科企跑出。Big Tech冇運行，中國美國都係。ATMXJ又好，FAAMG都好。當然詳情之後再寫。
7. 都係嗰句，有心嘅就訂Patreon（https://bityl.co/4Y0h），訂開嘅可以加碼，或者叫朋友訂。唔想訂嘅，一樣有其他方法幫到我。隨緣樂助，自從見識過啲真賤人後（為數不多，但印象深），我真係十分感恩，呢個世界呢，其實啲友唔搞著你（不論有心定冇意），已經係萬幸。會幫到你嘅真係極少數人。所以呢度呢萬幾個讀者，Patreon or not，都係十分可敬嘅。
8. 因為真係的，你記住，你遇到嘅人，真係冇任何義務要對你好。佢冇搞到你（不論有心定冇意），就已經還神啦！
9. 所以多謝大家。玄妙啲講，冇你地，又點有Patreon呢？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
Search